የግብርና ሥራ ዕድል ፈጠራ እና የከተማ ግብርና ልማት መሪ ሥራ አስፈጻሚ ተጠሪነቱ የግብርና ኢንቨስትመንትና ግብዓት ዘርፍ ሚኒስትር ዴኤታ ሆኖ የሚከተለውን ተግባርና ኃላፊነት ያከናውናል፡-

• የግብርና ዘርፍ የሥራ ዕድል ፈጠራ እና የከተማ ግብርና ልማት እንዲስፋፋ የሚያስችሉ የፖሊሲ ሀሳብ ያመነጫል፣ ስትራቴጂ፣ መመሪያዎችና ማንዋሎችን ያዘጋጃል፤
• በግብርና ዘርፍ  የሥራ  ዕድል  ለመፍጠርና  ለከተማ  ግብርና ዘላቂ ልማት ለማምጣት የሚያስችል የአካባቢውን ዕምቅ ሀብት ጥናት እንዲካሄድ ያደርጋል፣
• በግብርና ምርቶች  ላይ  ተጨማሪ  እሴት  የሚፈጥሩ  አማራጭ  የሥራ እድሎችን  ያጠናል፤ አዋጭነቱን በማረጋገጥ ፓኬጆችንና ብዝነስ ሞዴሎችን ቀርፆ ወደ ተግባር እንዲሸጋገር ያደርጋል፤
• ወጣቱ ትውልድ ወደ ግብርና ልማት ሥራዎች እንዲሰማራ የአስተሳሰብ ግንባታ ስራዎችን ይሰራል፤
• በግብርና ዘርፍ ለመሰማራት ፍላጎት ያላቸውን ሥራ ፈላጊ የህብረተሰብ ክፍሎችን  ፍላጎትን፣ ዝንባሌንና የአካባቢውን እምቅ ሃብት (potential) መሰረት ያደረገ በተለያየ አደረጃጀቶች ተደራጅተው ወደ ሥራ እንዲሰማሩ ይደግፋል፣
• በተለያዩ የትምህርት ተቋማት ተመርቀው ሥራ ለሚፈልጉ ወንድና ሴት ወጣቶች ከሙያቸዉና ዝንባሌያቸዉ አንጻር አዋጭ የሆኑ  የሥራ  አማራጮችን  በመለየትና  በማጥናት  በግብርና  ዘርፍ የሥራ ዕድል እንዲፈጠርላቸው ያደርጋል፤
• ከሚመለከታቸው የክልልና የፌዴራል ከፍተኛ የትምህርት ተቋማት እና የቴክኒክና  ሙያ ትምህርትና ሥልጠና ተቋማት ጋር ተቀናጅቶ በግብርና ዘርፍ ሥራ ለሚፈጠርላቸው ዜጎች የአቅም ግንባታ ስልጠናዎች እንዲሰጡ ያደርጋል፤
• የአግሪ ቢዝነስ አሰተሳሰብ ለህብረተሰቡና ለሥራ ፈላጊዎች የተለያዩ መድረኮችን፤ ወርክ ሾፖችንና መገኛኛ ዘዴዎችን በመጠቀም ግንዛቤ እንዲፈጠርላቸው ያደርጋል፤
• በግብርና ዘርፍ በጥናት በተለዩ የሥራ አማራጮች እና  በከተማ  ግብርና  ልማት  የተሰማሩ የህብረተሰብ ክፍሎችን ውጤታማ ለማድረግ የመስሪያና የመሸጫ ቦታ፣ የመሰረተ ልማት አቅርቦት፤ የብድርና የገበያ ድጋፎችን እንዲያገኙ ደርጋል፣
• በግብርና ዘርፍ አዳዲስ የሥራ ፈጠራ ማስፈጸሚያ የሚውል ሃብት ማፈላለጊያ ፕሮጀክት ፕሮፖዛል እንዲዘጋጁ ያስተባብራል፣ ድጋፍ ያደርጋል፣
• ለግብርና ሥራ ዕድል ፈጠራ ተስማሚና አዋጭ የሆኑ እና የከተማ ግብርና ምርትና ምርታማነትን የሚያሳድጉ ቴክኖሎጅዎችን ይለያል፤ተደራሽ ያደርጋል፤
• ለግብርና ዘርፍ ኢንተርፕራይዞች የአግሪ ቢዝነስ ልማት አገልግሎት (BDS) ተደራሽ እንዲሆን ያስተባብራል፤
• በግብርና ዘርፍ በተፈጠሩ የሥራ አማራጮች የተሰማሩ የህብረተሰብ ክፍሎች ከምርታቸው ይበልጥ ተጠቃሚ እንዲሆኑ የገበያ ጥናት ያካሄዳል፤ትስስር ይፈጥራል፤ ገበያ መር ምርቶች ላይ እዲሰማሩ ያደርጋል፣
• በገጠር አካባቢዎች በግብርና ዘርፍ የተፈጠሩ የሥራ አማራጮች በከተሞች አከባቢ ከተቋቋሙ ወይም ከሚቋቋሙ ኢንተርፕራይዞች ጋር በሚተሳሰሩበት ሁኔታ ላይ ከሚመለከታቸዉ አካላት ጋር ተቀናጅቶ ይሰራል፤
• የተሻለ የግብርና ዘርፍ የሥራ ዕድል አፈጻጸም ካላቸው ተቋማት ጋር የልምድ ልውውጦች እንዲካሄዱ ሁኔታዎችን ያመቻቻል፣ በተጨማሪም በየተግባሩ የሚገኙ መልካም ተሞክሮዎችን በመቀመር በፌደራል ተቋማትና በክልሎች መካከል እንዲሰፋ ያደርጋል፣