የመሠረታዊ አገልግሎት ሥራ አስፈጻሚ ተጠሪነቱ ለሥራ አመራር ዋና ሥራ አስፈጻሚ ሆኖ የመንግሥት ሠራተኞችን አዋጅ፣ ደንብና መመሪያ በመከተል የሚከተሉትን አብይ እና ቁልፍ ተግባራት ያከናውናል፡፡

• መሠረታዊ አገልግሎት አገልግሎት ሥራ በማቀድ፣ በማስተባበር፣ በመምራት፣ በተቋሙ የሚሰጡ የትራንሰፖርት፣ የቢሮ፣ የአደራሽና የምድረ ግቢ አገልግሎት እንዲሁም ለሚኒስቴር መ/ቤቱ አገልግሎት አሰጣጥን በመደገፍና በመከታተል የተቋሙን ሥራ ውጤታማ ማድረግ ነው፤
• ከተቋሙ ስትራቴጂክ ዕቅድ የተመነዘረ የስራ ክፍሉን ዓመታዊ ዕቅድ ያዘጋጃል፤ ለቡድኖች ያከፋፍላል፤ አፈጻጸሙን ይከታተላል፤ ይገመግማል፤
• የስራ ክፍሉ ሠራተኞች በየወቅቱ እንዲመዘኑ ያደርጋል፤ ይከታተላል፤ ያረጋግጣል፤ በምዘናው ውጤት መሠረትም ውጤታማ የሆኑ ሰራተኞችን እውቅና ይሰጣል፣ ዝቅተኛ አፈጻጸም ላሳዩ ሰራተኞች የአቅም ክፍተታቸው እንዲሞላ ያደርጋል፤
• ስራን የሚያሳልጡ አዳዲስ አሰራሮች የሚተዋወቁበት ስልጠና እንዲሰጥ ምቹ ሁኔታ ይፈጥራል፤ ስልጠናው ያመጣውን ውጤት ይከታተላል፤ ይገመግማል፤
• ለስራ ክፍሉ አስፈላጊ የሆኑ የስራ መገልገያ ግብዓቶች እና የሰው ኃይል እንዲሟላ ያደርጋል፤ ምቹ የሥራ ሁኔታዎች/conducive working environment / እንዲኖር ያደርጋል፤
• የመ/ቤቱ የቋሚ ንብረቶች አያያዝና አጠቃቀም ዘመናዊ የአሠራር ስርዓት የተከተለ መሆኑን ያረጋግጣል፤
• የተቋሙ ንብረቶች በአግባቡ ለተፈቀደለት ዓላማ ጥቅም ላይ መዋሉና የሚያስረዱ የንብረት አጠቃቀም ሪፖርቶችና መግለጫዎች መዘጋጀታቸውን ያረጋግጣል፤
• የግብርና ቋሚ ንብረቶች ተገቢው ጥበቃ የተደረገ መሆኑና ረዥም ኢኮኖሚያዊ አገልግሎት እንዲሰጡ የአሠራር ስርዓት አጥንቶ ያቀርባል ሲፈቀድም አፈጻጸሙን ይከታተላል፤
• የንብረት አጠቃቀምና አያያዝ የፈጻሚ ሠራተኞችና ተጠቃሚዎች ግንዛቤ እንዲዳብር ክትትል ያደርጋል፣ይደግፋል፣
• የመስሪያ ቤቱን የትራንስፖርት አገልግሎት የሚያሳልጡ የተለያዩ የአሠራር ዘዴዎችና ስልቶች እንዲቀየሱ ድጋፍ ያደርጋል፣ ተግባራዊነቱንም ይከታተላል፤
• የተሸከርካሪዎች ጥገናና ሰርቪስ ወቅቱንና ጥራትን ጠብቆ እንዲፈፀም እንዲሁም በተሸከርካሪዎች ላይ ጉዳት ሲደርስም በአፋጣኝ ተሰርተው/ተጠግነው/ ወደ አገልግሎት እንዲገቡ ድጋፍና ክትትል ያደርጋል፤
• የተሸከርካሪዎች አጠቃላይ መረጃ /profile/ በአግባቡ ተደራጅቶ መያዛቸውንና ወቅታዊ /update/ መደረጋቸውን ይከታተላል፣ ያረጋግጣል፤

• የተሸከርካሪ አቅርቦት ከፍላጎት ጋር የሚጣጣምበት አማራጭ ዘዴዎች እንዲቀየሱ ያደርጋል፣ አዳዲስ መኪናዎች ሲገኙም አስፈላጊው ፎርማሊቲ ተሟልቶላቸው ወደ አገልግሎት እንዲገቡ ድጋፍና ክትትል ያደርጋል፤
• የተቋሙ ቢሮዎችና አደራሾች አጠቃላይ መረጃ /profile/ በአግባቡ ተደራጅቶ መያዛቸውንና ወቅታዊ /update/ መደረጋቸውን ይከታተላል፣ ያረጋግጣል፤

• ለቢሮ፣ ለአደራሽና ለጊቢ አገልግሎት የሚውሉ ቁሳቁሶችና ግብዐቶች እንዲቀርቡ ማድረግና ለታለመላቸው አላማ መዋላቸውን መከታተልና ማረጋገጥ፤
• ለበላይ አመራሮች፣ ለሥራ ኃላፊዎችና ለሠራተኞች ቢሮዎች እንዲመቻቹ ያደርጋል፣ ይደግፋል፤
• ለሥራ ምቹ እንዲሆን ለማድረግ የሚያስችል አሠራር እንዲዘረጋ ያደርጋል፣ ይደግፋል፣
• የቢሮና የአደራሽ  ጥገና  ፍላጎት  መረጃ  እንዲሰባሰብ፣  እንዲለይና  እንዲጠገን  ክትትልና  ድጋፍ  ያደርጋል፤
• መብራት፣ ስልክ እና ውሀን በተመለከተ የተሟላ አገልግሎት እንዲሰጥ መከታተልና መደገፍ፣