የሥራ አመራር ዋና ሥራ አስፈጻሚ ተጠሪነቱ ለግብርና ሚኒስቴር ሆኖ የሚከተሉት ተግባርና ኃላፊነት ይኖሩታል፡-

• የዘርፉን ሥራዎች በማቀድ በማስተባበርና በመምራት፣ የአሰራር ሥርዓት በመዘርጋት፣ በዘርፍ የሚከናወኑ ተግባራትን በመገምገም በመቆጣጠር፣ በማረጋገጥ፣ የአቅም ግንባታ ሥልጠናዎችን እና የክትትልና ድጋፍ ሥራዎችን በመምራትና በማስተባበር  የሥራ አመራር ዘርፍን ውጤታማ ያደርጋል ፡፡
• የሥራ የተቋሙን እስተራቴጂ እቅድ፣ዘርፉንና አመታዊ ዕቅድ፣ማስፈፀሚያ በጀት እንዲዘጋጅ ያደርጋል፣ይገመግማል ትክክለኛነቱን ያረጋግጣል ያፀድቃል፣ ሲጸድቅም ለሚመለከታቸው አካላት ያከፋፍላል፣ተግባራዊነታቸውን ይከታተላል፣ በበላይነት ይመራል፣ያስተባብራል፡፡
• ለዘርፉ የሚያስፈልጉ በጀት፣የሰው ሀብት እና ግብዓቶቸ እንዲሟሉ ያደርጋል፣አፈፃፀሙን እና ለታለመላቸው አላማ መዋላቸውን ይገመግማል፣ ይከታተላል፡፡
• በስራ ዘርፉ ስር የሚገኙ ሥራ አስፈጻሚዎችን የሥራ አፈፃፀም ይገመግማል፣ውጤት ይሞላል ፣ በሥራ አስፈጻሚዎች የተሞሉ ውጤቶችን ትክክለኛነት በማረጋገጥ ያፀድቃል፡፡
• የዘርፉን አሰራር ለማዘመን የሚያስችሉ ስልቶችን ይነድፋል አሰራሮችን ያሻሽላል በስራ ላይ እንዲውል ያደርጋል፡፡
• የሥራ እሰፈፃሚዎችን እና የባለሙያዎችን አፈጻጸማቸውን ይገመግማል፣ይመዝናል፣ ያፀድቃል ፣የተሻለ አፈጻጸም ያላቸውን እንዲበረታቱ ያደርጋል ፣የአቅም ክፍተት ያለባቸውን ባለሙያዎች አቅማቸው የሚጎለብትበትን ስልት ይነድፋል፡፡
• የሚከናወኑ ስራዎች በተቀመጠላቸው የጊዜ ገደብ ወጪና ጥራት መሰረት መከናወናቸውን ይገመግማል፡፡
• የዘርፉን ወቅታዊ የሥራ አፈጻጸም ሪፖርት እንዲዘጋጅ ያደርጋል፣ለሚመለከተው አካል ያቀርባል፡፡